İspaniya klubu Balotellini istəyir: Maaş əvəzinə görün nə təklif etdilər

İspaniya çempionatının üçüncü divizionunda mübarizə aparan “Real Mursiya” klubu italiyalı hücumçu Mario Balotellini heyətinə qatmağa çalışır.

Aut.az xəbər verir ki, “Onda Regional”ın məlumatına görə, klub 34 yaşlı futbolçunun qərar verməsi üçün son tarix kimi bazar gününü təyin edib. “Mançester Siti”nin və “Liverpul”un keçmiş hücumçusunun agentləri klub prezidenti Felipe Moreno ilə birbaşa danışıqlar aparıb. Klubun təklifi təqribən 500.000 avro dəyərində qiymətləndirilir və adi maliyyə imkanlarından artıq hesab olunur.

Hücumçunun son zədələrinə və keçən mövsüm “Cenoa”dakı məhdud oyun müddətinə baxmayaraq, klub ona ikili aktiv kimi baxır: komandanın Sequndaya yüksəlməsinə kömək edə biləcək sübut edilmiş oyunçu, eləcə də böyük marketinq vasitəsi. Klub Balotelliyə forma satışının faizini və öz sponsorlarını gətirmək imkanı təklif edib.

34 yaşlı Balotelli “Cenoa”dakı uğursuz çıxışından sonra özünə yeni klub axtarır.

Aut.az