Mbappe əzəli rəqibə keçir – Laporta narahatdır?
“Barselona”nın prezidenti Joan Laporta PSJ-nin hücumçusu Kilian Mbappenin “Real”a mümkün transferi haqda danışıb.
“Mbappenin “Real”a mümkün transferindən narahatam? Yox. O, kağız üzərində qeyri-adi futbolçudur və böyük təsir bağışlayır.
Rəqibin hücum xəttində belə futbolçu oynayanda çətinlik yaranır, amma mən öz komandama arxayınam. Mənim üçün “Barselona”nın oyunçuları ən yaxşıdır”, – Laporta “Barca Universal”a deyib.
24 yaşlı Kilian Mbappe ötən mövsüm PSJ-nin heyətində 43 oyuna çıxıb, 41 qol vurub və 10 məhsuldar ötürmə verib. Hücumçu “Real”a keçməyə yaxındır.
