Gedəcəyinə eyham vurdu: Axmaq deyiləm, doğranmaq istəmirəm

“Napoli”nin baş məşqçisi Antonio Konte A Seriyasının 33-cü turunda “Montsa” ilə keçirilən oyundan (1:0) sonra klubu tərk edə biləcəyinə eyham vurub.

“Mənim bir məsuliyyətim var və bunu öncə müəyyənləşdirən siz media nümayəndələrisiniz ki, Konte ehtiyat oyunçular skamyasındadırsa, komanda qalib gəlməlidir. Bunu mənə aid etdiyiniz üçün azarkeşləri ruhdan salmaq istəmirəm. Planlaşdırmaq əvəzinə möcüzələrə arxalana bilmərəm.

Mən prezidentə (De Laurentisə) hörmət edirəm və onu qiymətləndirirəm. Məndən kömək əlini uzatmağı xahiş etdilər – mən də edirəm. Amma “Napoli” azarkeşləri qələbə qazanmaq istəyirlər, onların yüksək standartları var. Qazanmasalar, qəzəblənirlər.

Hər şeyi hesablamalıyam, axmaq deyiləm. Özümə çox təzyiq edirəm, amma döyüşmək üçün düzgün silahlara ehtiyacım var. Əks halda bu qırğında doğranmaq istəmirəm.

Prezidentlə danışıqlar masasına oturacağam, sonra baxarıq. Çempionlar Liqasına vəsiqə qazandığımız üçün gəlir olacaq, Kvaratsxeliyanın satılması da bizə kömək etdi, amma indi prezidentlə səmimi danışmaq lazımdır. Mən hər şeyimi verdim, indi isə çox çalışan uşaqlarla birlikdə qalib gəlmək istəyirik.

De Laurentis ilə yaxşı münasibətim var, amma mənim də hörmətə ehtiyacım var. Dünən quldurluq və tamamilə hörmətsizlik gördüm. Mən özümü qorumalıyam, əks halda bütün bunlar gözəl, lakin bitmiş bir səyahət olacaq.

Mən bunu “Napoli” azarkeşləri və özüm üçün edirəm. Özümü axmaq yerinə qoyub, döyülməyimə icazə verməyəcəyəm. Bütün bu azarkeşlərin bizi dəstəklədiyini görmək çox təsiredicidir. Amma bu, həm də mənim üzərimə böyük məsuliyyət qoyur”, – deyə Kontenin sözlərindən “Football Italia” sitat gətirib.

Aut.az