Karyerasının sonuna qədər buna görə cavab verməli olacaq – Onun diskvalifikasiyası haqda

Dünya tennisinin sabiq bir nömrəsi, böyük britaniyalı Tim Henman hazırkı bir nömrə Yannik Sinnerin üç aylıq diskvalifikasiyasından danışıb.

“Mən inanmıram ki, Sinner hər hansı mərhələdə aldatmağa cəhd edib. Ancaq bu ifadəni oxuyanda çox rahat, çox praktik görünürdü. Aydındır ki, Avstraliya Açıq Çempionatında qalib gəldikdən sonra onun üç ay meydandan kənarda qalması və buna görə də “Rolan Qarrosa” vəsiqə qazanması Sinner üçün ən yaxşı nəticə idi.

İdmanda narkotikə gəldikdə, hər şey ağ və ya qara olmalıdır, müsbət və ya mənfi, sizə qadağa qoyulur və ya yox. “Hazırlanma” və ya “razılaşma” kimi sözləri oxumağa başlayanda elə təəssürat yaranır ki, danışıqlar gedir və bu, bu idman növünün oyunçuları və həvəskarları üçün uyğun deyil. Bu sövdələşmə Sinner üçün çox rahat görünür, lakin o, karyerasının qalan hissəsi üçün buna görə cavab verməli olacaq”, – Henman “Sky Sport”a bildirib.

Xatırladaq ki, fevralın 15-də Sinnerlə Ümumdünya Antidopinq Agentliyi (WADA) arasında italiyalının dopinqdən istifadə etdiyinə görə turnirlərdə iştirakına dərhal üç aylıq qadağa qoyulması üçün barışıq sazişi bağlandığı məlum olub.

Aut.az