Jiru əfsanələrin sırasına qoşuldu: Neçə böyük turnirdə iştirak edib?

Fransa millisinin hücumçusu Olivye Jiru milli komandanın tarixinə düşüb.

Aut.az xəbər verir ki, o, Avropa və dünya Çempionatı kimi 7 böyük turnirdə çıxış edən dördüncü futbolçu olub. 37 yaşlı forvard buna Avro-2024-ün ilk turunun Avstriya ilə matçının (1:0) son dəqiqələrində əvəzetmədən meydana daxil olmaqla nail olub.

Əvvəllər “xoruzlar”ın heyətində Lilyan Tyuram , Tyerri Anri və Uqo Lyoris eyni sayda böyük turnirdə çıxış etmək imkanı qazanıb.

Aut.az