Terri İngiltərə millisindəki günahkarı göstərdi

İngiltərə millisinin keçmiş müdafiəçisi Con Terri baş məşqçi Tomas Tuxelin milli komandadakı işi barədə danışıb.

85-ci dəqiqəyə qədər hesabda öndə olan ingilislər 2026-cı il dünya çempionatının yarımfinalında Argentinaya (1:2) məğlub oldular.

Aut.az xəbər verir ki, Terri “Sports Uncensored” podkastında bildirib:

“Tuxelə baxdıq və dedik ki, o, bizə lazım olan adamdır, çünki hiss edirdik ki, Qaret Sautqeyt əsas qərarlar vermək üçün keyfiyyətə malik deyil – məsələn, müzakirə etdiyimiz İtaliyaya qarşı Avropa çempionatının finalı.

Amma bu yarımfinalda gördüklərim, bəlkə də, böyük turnirlərdə məşqçi tərəfindən gördüyüm ən pis taktiki qərarlar və əvəzetmələr idi. Mən dərin məyusluq hissi keçirirəm və ən əsası Tuxelə görə. Düşünürəm ki, uşaqlar bizi qürurlandırdılar, amma məşqçi…

Qrem Suneslə razıyam, düşünmürəm ki, İngiltərə turnir boyu olduqca yaxşı oynadı, amma nəticə əldə etməyin yollarını tapdıq – oyunçular xarakter və fərdi bacarıq nümayiş etdirdilər, heç nədən qol vurdular və sonra oyuna qayıtdılar. Məşqçinin bu oyunda verdiyi qərarlardan son dərəcə məyus oldum. İnanıram ki, bu, 100% onun günahıdır”.

Aut.az