Fransa yığmasının 26 futbolçusundan neçəsi fransızdır? – Rəsmən açıqlandı

İspaniyadakı Fransa səfirliyi milli komandanın bütün oyunçularının fransız olduğunu bildirib.

Aut.az xəbər verir ki, səfirlik bununla bağlı sosial mediada paylaşım edib:

“Mübahisəyə girmək istəmədən, faktları xatırlamağa dəyər.

Fransa milli komandasındakı bütün oyunçular fransızdır. 26 oyunçudan 23-ü Fransada anadan olub. Ölkə xaricində anadan olan üç nəfər də fransızdır”.

Daha əvvəl İspaniyanın keçmiş Baş naziri Mariano Rahoy 2026-cı il Dünya Kubokunun yarımfinalında Fransa komandası ilə qarşıdakı oyun barədə danışarkən demişdi: ” Onların fantastik heyəti var – baxmayaraq ki, fransız deyillər. Məndə elə bir hiss var ki, biz qalib gələcəyik”.

Bundan əlavə, Argentinanın Mendoza əyalətinin vitse-qubernatoru Hebe Kasado Fransa milli komandasını “pis əxlaqlı Afrika komandası ” adlandırıb.

Aut.az