“Real” bir dəqiqə də meydana çıxmayan yetirmələrinə görə 108 milyon qazanıb

“Real Madrid” 2025-26 mövsümündə əsas komandada bir oyun belə keçirməyən akademiya oyunçularının satışından 108 milyon avro qazanıb.

Aut.az xəbər verir ki, bu barədə “Marca”nın məlumatında bildirilir.

Vəsaitlər klubun yay xərclərini, o cümlədən Mark Kukurella, Denzel Demfrisin transferlərini və Joze Mourinyonun “Benfika”dan transferi üçün ödənilən kompensasiyanı tam ödəyib.

Əsas gəlir mənbəyi “Real”ın “Komo”ya 60 milyon avroya satdığı Niko Pas olub.

Bu, Madrid klubunun tarixində Alvaro Moratanın satışından sonra gənc oyunçunun ikinci ən bahalı transferidir. “Real” oyunçunu geri almaq seçimini də saxlayıb.

Daha 20 milyon avro Viktor Munozun “Liverpul”a transferindən əldə edilib və onun transfer məbləğinin yarısı Madrid klubuna ödənilib.

Klub, “Milan”a qoşulan Mario Hil və “Bornmut”a qoşulan Alvaro Rodrigesin hər biri üçün 15 milyon avro alıb.

Bundan əlavə, Mario Martinin satışından 3,5 milyon avro gəlir əldə edilib.

Məbləğ yaxın gələcəkdə arta bilər. İspaniyanın ikinci divizionunda ən çox qol vuran Serxio Arribas “Almeriya”dan ayrılmağa yaxındır və “Benfika” onunla maraqlanır. Potensial transfer “Real”a əlavə 12 milyon avro qazandıra bilər.

Aut.az