Mourinyo o sirri açdı: İynə vurdurmayan futbolçudan imtina edib

“Real Madrid”in baş məşqçisi Joze Mourinyo futbolçularının sağlamlıq problemləri ilə necə mübarizə apardıqları barədə danışıb.

Aut.az xəbər verir ki, Mourinyo “Beast Mode On” podkastında deyib:

“İki sadə nümunə – bir oyunçunun adını çəkəcəyəm, digərinin adını çəkməyəcəyəm. Con Terri. Biz Premyer Liqanı qazanmaq üçün çalışırdıq və Conun problemləri var idi. Çempionluğu qazandıqdan bir gün sonra o, əməliyyat üçün klinikaya getdi – amma çempionluğu qazandıqdan sonra.

Başqa bir vəziyyət də var idi. Zədələr üzündən çox çarəsiz idim və oynamaq üçün futbolçuya ehtiyacım var idi. Onun orta barmağında kiçik bir sınıq var idi. Həkim ona dedi: “Ciddi bir şey deyil, sadəcə ağrıdır… oynaya bilərsən, problem deyil.” Oyunçu dedi: “Ağrı ilə oynaya bilmərəm”.

“Nə demək istəyirsən, bacarmırsan? Bacararasan” dedi həkim. “Xeyr, bacarmıram” dedi.

Yaxşı, sənə kiçik bir ağrıkəsici iynə vuracağıq, oynayacaqsan və heç bir ağrı olmayacaq, heç bir nəticə olmayacaq. Heç bir problem olmadan oynaya biləcəksən. Amma o istəmirdi.

İdman ayaqqabımı çıxardım, corabımı çıxardım, ayağımı onun üzünün qarşısına qoydum və həkimə dedim: “Mənə iynə vurun”. Həkim barmağıma iynə vurdu. Yaxşı idim. Ona dedim: “Gəl, sən də edə bilərsən”. O isə dedi: “Xeyr! Sən dəlisən, mən dəli deyiləm”. Və iynə vurdurmadı.

Bundan sonra o, mənim üçün neçə oyun keçirdi? Demək olar ki, oynamadı”.

Aut.az