Ağlasığmaz biclik: Məşqçi futbolçusunun meydandan qovulmasını istədi ki… – VİDEO

Bu mövsüm İtaliya C Seriyasında müvəffəqiyyətlə tətbiq olunarsa, Avropanın yüksək liqalarında da istifadə oluna biləcək bir yenilik təqdim edilir.

Aut.az xəbər verir ki, məşqçilər hakimdən VAR ilə əlaqəli müəyyən bir məqamı nəzərdən keçirməyi xahiş edə bilər.

Bildiyimiz kimi, sistem səhv atışları, künc zərbələrini, sarı vərəqələri, cərimə zərbələrini ləğv edə bilməz, ancaq əllə oyun, penalti və ya qırmızı vərəqə olduqda müdaxilə edir.

Bununla belə, hətta bu qaydaların nüansları və boşluqları var. Onlardan biri “Karpi” və “Nekst Qenom” (“Yuventus”un ehtiyat oyunçuları) matçında istifadə olunub.

78-ci dəqiqədə “Yuventus”un ikinci komandasının oyunçuları hücum edərkən, top “Karpi”nin müdafiəçisinin əlinə dəyir.

Hakim Françesko Zaqo buna şübhə etmədi və sarı vərəqə göstərdi və bu, oyunçu üçün ikinci oldu – qırmızı vərəqə.

Daha sonra “Karpi”nin baş məşqçisi Stefano Kassani hiyləgərliyə əl atıb. O, ikinci sarı vərəqə baxmağı tələb edə bilməzdi, ona görə də, öz oyunçusu üçün birbaşa qırmızı vərəqə tələb edib.

Bu halda hakim monitorun qarşısına keçməyə borcludur. Həmin anı nəzərdən keçirən hakim topun ələ deyil, bədənə dəydiyini görüb. Protokola görə, o, “qaydalara uyğun” oyunu davam etdirməlidir. Buna görə də bunu görən hakim meydana çıxıb, ikinci sarı vərəqəni ləğv edib və müdafiəçini meydanda saxlayıb.

Bəli, məşqçinin bu hərəkəti düzgün qərar verməyə kömək etsə də, amma hadisədən dərhal sonra klublar xəbərdar edilib və bütün hakimlərə komandalarına qarşı çağırışları qəbul etməmək tapşırılıb.

Aut.az