Həmzət müsahibə üçün 700 min dollar istəyib? – Onu aldadıblar

Məşhur amerikalı youtuber və yayımçı Edin Ross məğlubiyyətsiz UFC döyüşçüsü Hamzat Çimaevlə müsahibə ətrafında yaranmış vəziyyəti şərh edib.

Aut.az xəbər verir ki, bundan əvvəl Ross xəbər vermişdi ki, Çimayevin komandası Həmzətin efirdə görünməsi üçün 700 min dollar tələb edib. “Həyatımda heç vaxt bu qədər gülməmişdim. Dəlilik idi”, – bloqqer deyib.

“Bu gün mənə İslam Mahaçevin meneceri Əli Əbdül-Əziz zəng vurdu. O dedi: “Edin, məncə, sən əslində Çimayevin komandasından kimsə ilə danışmayıbsan”. Mən dedim ki, nə demək istəyirsən? O dedi ki, səninlə danışan Həmzətin meneceri olmayıb”. Belə çıxır ki, məni aldadıblar”, – Ross efirdə deyib.

Avqustun 17-də Həmzət Çimayev Çikaqoda (ABŞ) UFC 319 turnirində cənubi afrikalı Drikus Du Plessislə orta çəkidə UFC çempionluğu uğrunda döyüş keçirəcək.

Aut.az