Üsyan etdi: “Barselona”, “Real” fərqi yoxdur, bu hörmətsizlikdir”
“Barselona”nın müdafiəçisi Jül Kunde kataloniyalıların martın 27-də, demək olar ki, milli komandaların oyunlarından dərhal sonra “Osasuna” ilə oyunu (3:0) keçirməsinə münasibət bildirib.
Aut.az xəbər verir ki, o, futbol qurumlarını oyunçulara hörmət etməməkdə ittiham edib:
“Matçın tarixinə görə qəzəblənirəm. Bu normal deyil. Dəfələrlə təqvimlə bağlı, həddən artıq çox matç oynamağımızdan danışmışıq. Bilirəm ki, bunu başa düşməyən insanlar var. Mən özümü çox şanslı hiss edirəm ki, xəyallarımın həyatını yaşayıram, ehtiraslı olduğum bir işlə məşğul oluram. Amma bu kimi şeylər təkcə bizə deyil, həm də bütün klublara hörmətsizlikdir.
“Osasuna”nı da deyirəm. Onların da milli komandalarda oyunçuları var idi. Məsələn, qarşı oynadığım Budimir lazım olan dincəlməyə vaxt tapmayıb. Hansı klubdan danışdığımızın fərqi yoxdur – “Osasuna”, “Barselona”, “Real”… Bu, sadəcə komandalara deyil, oyunçulara hörmətsizlikdir. Biz maşın deyilik və yaxşı matçlar keçirmək üçün istirahətə ehtiyacımız var. “Bunu təkcə La Liqa deyil, bütün futbol qurumları anlamalıdır”.
Aut.az
