Maska Mbappeyə hansı problemi yaradır?

Fransa millsinin baş məşqçisi Didye Deşam futbolçusu Kilian Mbappe barədə danışıb.

Aut.az xəbər verir ki, fransalı mütəxəssis Mbappenin maska ​​ilə oynamağa alışdığını, lakin qoruyucu vasitənin onun görmə qabiliyyətinə bir qədər mane olduğunu bildirib:

“Hər gün azalacaq bir hematoma var. Baxışına bir az mane olan maskaya alışır. Amma o, yaxşıdır”.

Qeyd edək ki, Mbappe Avro-2024-ün qrup mərhələsinin 1-ci turunun Avstriya ilə matçında (1:0) burnundan ağır zədə alıb. Bu səbəbdən Niderland ilə sonrakı oyunu (0:0) buraxıb. İyunun 25-də “xoruzlar” 3-cü turda Polşa ilə qarşılaşacaq. Kilianın bu görüşdə iştirak edəcəyi gözlənilir.

Aut.az