Onu ələ saldı: Başqa bir yuxu gördü?

“Aston Martin” komandasının sürücüsü Fernando Alonso britaniyalı pilot Luis Hemiltonun “Ferrari” ilə müqavilə imzalamasından danışıb .

Aut.az xəbər verir ki, Alonso Hemiltonu ələ salan ifdələr işlədib.

“12 ay əvvəl bu onun uşaqlıq arzusu deyildi, elə deyilmi? Yaxşı, ya iki ay əvvəl?  Başqa bir yuxu gördü?

Ümid edirəm ki, o, təcrübədən həzz alır. Düşünürəm ki, bu, xüsusi komandadır. Ancaq qalib gələndə hər şey daha da xüsusi olur. Artıq bir neçə ildir ki, çox sürətli maşınları var, ciddi şeylər üçün mübarizə aparırlar. Ola bilsin ki, Luis onlara çempionluq uğrunda mübarizə aparmağa imkan verəcək əlavə bir şey gətirə bilər, çünki onların bunun üçün avtomobili var.

Keçən ilin sonunda, hətta “Red Bull”un dominant avtomobili olsa belə, “Ferrari” onların dövrə vaxtlarına uyğunlaşa bildi və əksər seçmə seanslarda onlardan daha sürətli ola bildi. Buna görə də, düşünürəm ki, avtomobil kifayət qədər sürətli olmalıdır”, – Alonsonun sözlərini “Motorsport” sitat gətirib.

Aut.az