Pakyao elan etdi: Revanş döyüşü olacaq

Filippinli boksçu Menni Pakyao məğlubiyyətsiz amerikalı Floyd Meyvezerlə revanş döyüşü keçirməyi planlaşdırdığını açıqlayıb.

Aut.az xəbər verir ki, b barədə “Daily Mail” məlumat yayıb.

“Keçən il döyüş təşkil etməliydik, təəssüf ki, baş vermədi. Ümid edirəm ki, sizi 2024-cü ildə Floyda qarşı böyük döyüş üçün Yaponiyada görəcəyəm”, – Pakyao bildirib .

Səkkiz çəki dərəcəsində boks üzrə keçmiş dünya çempionu son peşəkar döyüşünü 2021-ci ilin avqustunda keçirib. O zaman 12 raunddan sonra yekdil qərarla Dünya Boks Assosiasiyasının (WBA) orta çəki dərəcəsində hazırkı çempionu Yordenis Uqasa məğlub olub.

Meyvezer peşəkar rinqə sonuncu dəfə 2017-ci ilin avqustunda çıxıb. Sonra boks görüşündə Konor Makqreqoru onuncu raundda texniki nokautla məğlub edib.

Pakyao və Meyvezer arasında ilk döyüş 2015-ci ilin mayında baş tutub. Amerikalı boksçu yekdil qərarla qalib gəlib.

Dekabrın 31-də Makqreqor oktaqona qayıdacağını açıqladı. İrlandiyalı amerikalı Maykl Çandler ilə 29 iyun 2024-cü ildə “Ultimate Fighting Championship” (UFC) yarışmasında döyüşməyi planlaşdırır.

Aut.az