La Liqa prezidentindən İnfantinoya ağır ittiham: Getməlidir

La Liqanın prezidenti Xavyer Tebas FİFA prezidenti Canni İnfantinonu DÇ-2026-ya görə tənqid edib.

Aut.az xəbər verir i, Tebas təşkilatı sırf kommersiya maraqlarını güdməkdə ittiham edib.

“FİFA hər şeyi istədiyi kimi, öz maraqları naminə təşkil edir, futbol üçün yox. Ona görə də 27 dəqiqəlik fasiləyə ehtiyac duyarlarsa, bunu edirlər. Su fasilələri bir farsdır. La Liqada da belə nümunə var, amma yalnız hava çox isti olanda. Dallas, Los-Anceles və Atlantadakı stadionlarda kondisioner işləyirdi, hətta tribunada sviter geyinməli oldum. Bu, bir fars, reklam fasiləsi idi. Və sonra Baloqun hadisəsi baş verdi.

Milli komandaların sayının artırılmasının heç bir mənası yoxdur. Ən vacib tədbir olsa da, futbol sənayesi yalnız Dünya Kuboku ilə məhdudlaşmır. Amma hər şey onun ətrafında fırlana bilməz. Milli çempionatlar nəzərə alınmalıdır.

Onlar 40 gün davam edən və yalnız az sayda oyunçunun iştirak etdiyi bir turnir naminə on minlərlə iş yeri yaradan futbol sənayesini məhv edirlər.

İnfantinonun getməsinin vaxtıdır; onun vaxtı gəlib çatıb. Amma onu sistem, federasiyalar dəstəkləyir. Müxalifət namizədləri yoxdur, heç kim seçkilərdə iştirak edib uduzmaq istəmir. Sistem belədir və əsas qüsurları var. ABŞ-da bir çox insanın İnfantinoya qarşı çıxdığını eşitmişəm, onlar onun etdikləri ilə razılaşmırlar. Bu barədə danışırlar, amma sonra heç nə etmirlər. Bilmirəm daha pisi nədir: susmaq, yoxsa əlbirlik, çünki susanlar bunun futbola vurduğu zərərin fərqindədirlər”, – deyə “La Gazzetta dello Sport” Tebasın sözlərini sitat gətirib.

Aut.az