Qurban Qurbanov: “İnanıram ki, onlar komandamıza uzun müddət fayda verəcəklər”

Avstriyadakı təlim-məşq toplanışı çərçivəsində keçirilən “Tirol” (Avstriya) – “Qarabağ” görüşündən (0:4) sonra “Qarabağ”ın baş məşqçisi Qurban Qurbanov fikirlərini açıqlayıb.

Aut.az xəbər verir ki, klubun mətbuat xidmətinə danışan Qurbanov bunları deyib:

“Ümumilikdə pis oyun alınmadı. Fiziki cəhətdən yüklənməyə və havanın isti keçməsinə baxmayaraq, futbolçular meydanda yaxşı mübarizə apardılar. Həm istədiyimiz yükləməni aldıq, həm də nəticə yaxşı oldu. İlk matçda belə qələbə qazanmaq futbolçulara da güvən verir. Əlbəttə ki, optimal formadan hələ uzağıq. Yeni transferlərimizə tam uyğunlaşmaq üçün bir az zaman lazımdır. Bununla belə, vacibi odur ki, istəklidilər. İnanıram ki, onlar komandamıza uzun müddət fayda verəcəklər. Gedişatdan və komandadan razı qaldım. Bu istək və templə davam edəcəyik”.