Söhbət sədaqətdən getmir – Niyə qaldığını açıqladı

Portuqaliyalı yarımmüdafiəçi Bruno Fernandes ayrılmaq ehtimalına baxmayaraq, “Mançester Yunayted”də qalmasının səbəbini izah edib.

Aut.az xəbər verir ki, onun sözlərini “Sky Sports” yayıb.

“Söhbət sədaqətdən getmir. İki il əvvəl, üç il əvvəl, keçən mövsüm də gedə bilərdim, amma burada olmaqdan həqiqətən zövq alıram. İnanıram ki, bu klubda qazanacağım uğuru başqa heç bir klubda qazana bilmərəm.

Sevinc və qazandığım hər şey – bu klubda istədiyimə nail olduğum gün, dünyanın heç bir klubunda buna nail ola bilməyəcəyimi düşünürəm.

Azarkeşlərin bunu nə qədər çox istədiyini, onların nə qədər ehtiraslı olduğunu bilirəm.

Klubun qayıdışını nə qədər səbirsizliklə gözlədiklərini bilirəm. Mən də onlarla eyni gəmidəyəm. İstəyirəm ki, bu gəmi hərəkətsiz dayanmaq əvəzinə, irəliləsin və mümkün qədər uzağa üzsün”.

Fernandeş 2020-ci ilin yanvar ayından bəri “Mançester Yunayted”də oynayır. O, “qırmızı şeytanlar”ın heyətində bütün yarışlarda 323 oyun keçirib, 106 qol vurub və məhsuldar ötürmə edib.

Aut.az