“Milan” nəhəngləri qabaqladı: Razılığa gəldilər

“Milan” “Kristal Pelas”la hücumçu Jan-Filipp Matetanın transferi üzrə razılığa gəlib.

Aut.az xəbər verir ki, Sky Sports-un məlumatına görə, indi transferin vaxtı “şüşəçilər”in 28 yaşlı futbolçunun layiqli əvəzini tapa bilməsinə bağlıdır. Fransız forvard ya bu qış, ya da yayda Seriya A klubuna keçəcək.

Qeyd olunur ki, uzun müddət Matetanın əsas namizədi “Yuventus” olub və hətta oyunçu özü transferə razılıq verib, lakin “Milan” “Pelas”la danışıqlarda daha fəal olub.

Cari mövsümdə Mateta bütün turnirlərdə 34 matç keçirib, 10 qol vurub və 2 məhsuldar ötürmə edib. “Transfermark” portalı hücumçunu 40 milyon avroya qiymətləndirir.

Bundan əlavə, futbolçuya “Mançester Yunayted” də maraq göstərib.

Aut.az