Mane Salahla yaşadığı münaqişədən danışdı: Çox əsəbiləşmişdim

Seneqallı hücumçu Sadio Mane “Liverpul”da çıxış etdiyi dövrdə Məhəmməd Salahla münasibətlərindən danışıb.

Aut.az xəbər verir ki, o, misirli həmkarını tərifləyib və aralarındakı münaqişənin səbəbini izah edib.

“Salah əla futbolçudur. Adətən deyirlər ki, aramızda rəqabət olub. Amma mən düşünmürəm ki, bu rəqabət mənfi mənada olub. Ola bilər ki, o, sadəcə çox yaxşı insandır. Məncə, meydanda olduğumuz zaman bəzən o mənə ötürmə edirdi, bəzən isə etmirdi. Hücumda yalnız Roberto Firmino var idi, o da topu paylaşmağı sevirdi.

Hələ də bir oyunu xatırlayıram, Salah mənə ötürmə etmədiyi üçün çox əsəbiləşmişdim. Bu, 2019/20 mövsümündə “Bernli”yə qarşı oyun idi. Ertəsi gün o mənə yaxınlaşdı. Mənimlə danışmaq istəyirdi, amma necə və nə vaxt edəcəyini bilmirdi.

Hələ də düşünürdü ki, mən əsəbiləşmişəm, çünki oyundan sonra görüşməmişdik və evə getmişdik. Sonra yaxınlaşıb soruşdu ki, bir-birimizlə danışa bilərikmi? Salah dedi: “Sadio, sən düşünürsən ki, mən sənə ötürmə etmək istəmədim? Mən topu aldığım zaman ötürməni düşünmürdüm və görmədim ki, sənə verim. Mən sadəcə topu aldım və vurmaq istədim. Amma sənə qarşı heç bir fikrim yoxdur. Səmimi deyirəm, növbəti dəfə imkanım olsa ötürmə edəcəyəm”.

Mən cavab verdim ki, artıq keçmişdə qaldı və mən əsəbiləşmişdim, mənə nə qədər yaxşı ötürmələr edə biləcəyini bilirəm. Vəssalam. Düşünürəm, bundan sonra biz daha yaxın olduq. Bəzən belə hallar komanda yoldaşları arasında olur, çünki yüksək səviyyəli hücumçu, məsələn Salah, adətən topu yalnız öz ayaqlarında görür və epizodlarda yoldaşlarını axtarmağa vaxt olmur”.

Aut.az