Mourinyo: Xal itirən bizik, onlar yox

“Fənərbağça”nın baş məşqçisi Joze Mourinyo Avropa Liqasının Əsas mərhələsinin 3-cü turunda “Mançester Yunayted”lə heç-heçə etdikləri oyun (1:1) haqda danışıb.

Aut.az xəbər verir ki, o İngiltərə nəhənginin deyil, özlərinin 2 xal itirdiklərini deyib:

“Bizimlə ayaqlaşan onlar idi, biz onlarla yox.  Xal itirən bizik, onlar yox. Möhtəşəm oynadıq. Çempionatda da eyni cür oynasaq, yolumuzdakı hər şeyi yıxacağıq. Çünki səviyyə baxımından bizdən yüksək komanda ilə oynamışıq. Premyer Liqada futbol daha keyfiyyətli, daha gərgin və hər şeydən yaxşıdır.

Yəqin İngiltərədə deyəcəklər ki, “Mançester Yunayted”in iki-üç futbolçusu yox idi. Bilməzsiniz ki, nə qədər futbolçumuz yox idi. Düzəliş seçimi əsl tapmaca idi. Amma biz əla oyun nümayiş etdirdik. Futbolçulardan daha çox şey istəyə bilməzdim.

Andre Onana iki fantastik seyv etdi). Baxın, bu nəticəni onlar üçün saxladı. O, 10 saniyə ərzində iki qeyri-mümkün seyv etdi. Bu nəticədə onun həlledici rolu olub. Təbii ki, bu, iyirmi yox, iki seyv idi, amma inanılmaz idi.

Bilirəm ki, ingilis mediası “Yunayted”in çox yaxşı oynamadığını deyəcək, amma məncə, biz əla oyun göstərdiyimizi və onlardan daha yaxşı olduğumuzu söyləmək düzgün olardı. Bu, “Mançester Yunayted” üçün yaxşı nəticədir”.

Aut.az