Prezident olmaq istəyən bu gözəl federasiyanı məhkəməyə verəcək

FİA-nın növbəti prezidenti postuna namizədliyini irəli sürməyə hazırlaşan Laura Villar rəhbərlik orqanına qarşı hüquqi tədbirlərin görülməsini istisna etmir.

Aut.az xəbər verir ki, bu barədə “The Race” məlumat yayıb.

Villar FIA-nın ilk qadın prezidenti olmağa iddialı olaraq seçki kampaniyasını davam etdirir. 28 yaşlı isveçrəli bildirib ki, onun hüquq komandası və Federasiya mürəkkəb seçki vəziyyətini müzakirə edir.

“Hazırda mənim hüquqi komandam və FIA administrasiyası arasında rəsmi əlaqə davam edir, çünki hazırkı seçki prosesi FİA-nın nizamnaməsinə riayət olunması ilə bağlı qanuni narahatlıqları artırır.

Komandamın əldə etdiyi müstəqil hüquqi rəylər də təsdiq edir ki, son vaxtlar bir neçə prosessual dəyişikliklər nizamnaməyə uyğun deyil və düzəliş edilməlidir.

FİA Nizamnaməsinin 1.3-cü maddəsinə əsasən, Federasiya idarəetmə, şəffaflıq və demokratiyanın ən yüksək standartlarına riayət etməlidir. Buna görə də, FİA-nın Fransa qanunlarına əsasən qeyri-kommersiya birliyi statusuna uyğun olaraq, bu prinsiplərə tam uyğunluğu təmin etmək üçün bütün variantlar, o cümlədən hüquqi və məhkəmə variantları nəzərdən keçirilir.

Namizədlər olaraq, biz FIA-nın şəffaflıq və demokratik qurum  kimi qalmasını təmin etmək üçün kollektiv məsuliyyəti bölüşürük”, – Villar bildirib.

Villar cari ilin iyununda qəbul edilmiş və FİA-nın hazırkı prezidenti Məhəmməd Ben Sulayimin gücünü artırdığı güman edilən düzəlişləri xatırladıb.

Qeyd edək ki, dekabrın 12-də keçiriləcək seçkilərdə Sulayimin rəqibləri lazımi prezident siyahısını formalaşdıra bilməyəcəkləri təqdirdə ona rəqib ola bilməyəcək.

Hər bir namizəd 0 nəfərlik komandasını yaratmalıdır. Bu komandaya Senat sədri, avtomobil mobilliyi və turizm üzrə sədr müavini, idman üzrə prezident müavini və idman üzrə yeddi vitse-prezident daxildir.

Aut.az