“Barsa” ilə şəhər şurası arasında qalmaqal: “Real” olsaydı…
“Barselona” “Camp Nou”ya dönüşün təxirə salınmasından narazıdır.
Aut.az xəbər verir ki, keçən həftə, Barselona Şəhər Şurasının ziyarətçilərin evakuasiya qaydalarına tam əməl edilməməsi də daxil olmaqla bir sıra təhlükəsizlik çatışmazlıqları müəyyən etdiyi bildirildi.
Nəticədə “Barselona” “Kamp Nou”da PSJ ilə oynaya bilməyəcək. Sabah Çempionlar Liqası matçı “Olympique Lluís Companys”də keçiriləcək.
Bununla belə, “Barselona” işin birinci mərhələsinin tamamlandığını düşünür.
“Diario Sport” xəbər verir ki, “Barselona” şəhər şurası ilə qrafiki dəfələrlə pozduğuna görə mübahisə edib. Kataloniya klubunun rəhbərliyi əmindir ki , “Real Madrid” oxşar vəziyyətdə olsaydı, öz stadionunda oynamaq üçün artıq icazə alardı.
Hazırda “Barselona”nın “Camp Nou”ya qayıtması üçün ən çox ehtimal olunan tarix 18 oktyabrda La Liqada “Jirona” ilə matçdır. Lakin onların Çempionlar Liqası üçün stadiona qayıtma vaxtı qeyri-müəyyən olaraq qalır, çünki klub hazırda UEFA-nın tələblərini yerinə yetirə bilmir.
Aut.az
