Əfsanədən “Yunayted”ə məsləhət: Onu saxlayın və…

Pol Skoulz “Mançester Yunayted”in gələcək sistemi ilə bağlı tövsiyə verib.

Aut.az xəbər verir ki, əfsanə  komandanı Bruno Fernandesin ətrafında qurmağa çağırıb.

“Bruno qalmalıdır, çünki o, komandanın ən yaxşı oyunçusudur. Bəzən Səudiyyə liqasından ağlasığmaz təkliflər gələndə hər şeyi edə bilmirsən, onlar fantastik məbləğ ödəməyə hazırdırlar.

Tamamilə aydındır ki, “Yunayted” Brunonu saxlamalı və yeni oyunçulara pul xərcləmək qabiliyyətinə malik olub-olmamasından asılı olmayaraq onun ətrafında komanda qurmalıdır. Ancaq son illərin transferlərini nəzərə alsaq, Amorimin lazımsız oyunçulardan qurtulması son dərəcə çətin olacaq.

Çempionlar Liqasına düşsək, yeni oyunçular gətirmək olduqca asan olacaq, lakin eyni zamanda, çıxış transferlərinə də ehtiyacımız var və bu, onun işinin ən çətin hissəsi olacaq”, – “Mançester Yunayted”in keçmiş yarımmüdafiəçisi “TNT Sports” üçün köşə yazısında yazıb.

Aut.az