Avropada ana olanları siyahıdan silirlər – Almut gileyləndi

Almaniya yığmasının sabiq qapıçısı Almut Şult analığın Avropadakı futbolçu karyerasına təsirindən danışıb.

Aut.az xəbər verir ki, Şult 2020-ci ildə əkiz, 2023-cü ildə isə üçüncü uşaq dünyaya gətirib. Futbolçu bildirib ki, ikinci hamiləliyindən sonra Avropanın aparıcı klubları ona yalnız üç nömrə statusu təklif ediblər. Nəhayət, Amerikanın “Kanzas Siti” klubu ilə müqavilə imzalayıb və 2025-ci ilin martında karyerasını bitirib.

“Düşünürəm ki, Avropada hələ də qadın futbolçuların uşaq sahibi olması qəbul edilmir. Klubların bunu etiraf edib-etməməsi mənim subyektiv təəssüratımdır. Bir çox klublar analarla bağlı çətinliklərin ola biləcəyindən narahatdırlar, baxmayaraq ki, bu, mütləq belə deyil.

İkinci hamiləliyimdən sonra müqaviləm artıq bitdi. İlk hamiləliyimdən sonra bunu sübut etmiş olsam da, heç bir klub hələ də kömək edə biləcəyimə inanmırdı.

Daha sonra ABŞ-da aldığım dəstək olsaydı, yəqin ki, Avropa karyeram fərqli bir yol tutardı”, – Şult “Kicker”ə deyib.

Alman 2014-cü ildə “Volfsburq”la Çempionlar Liqasını, 2016-cı ildə Almaniya ilə Olimpiya qızılını qazanıb.

Aut.az