“Real”ı və Peresi tənqid etdi: Həmişə ağlayırlar

La Liqanın prezidenti Xavyer Tebas İspaniya La Liqasının oyunlarında hakimlikdən tez-tez şikayət etdikləri üçün “Real”ı tənqid edib.

Aut.az xəbər verir ki, o, Madrid klubunun prezidenti Florentino Peresi də hədəfə alıb.

“Son həftələrdə hakimlərlə bağlı çoxlu mübahisəli vəziyyətlər olub. “Real” və onun televiziyası bunun ətrafında mübahisələr və yalan fikirlər yaradır, futbolu şübhə altına alır. Bütün klublar şikayətlənir, amma “Real”da buna xüsusi diqqət yetirirlər. Daim ağlayan klub olan “Real”ın davranışı ilə razılaşmayan çoxlu madridlilər tanıyıram. Onlar bu həftə sonu ağlayacaqlar, bunu gələn həftə sonu edəcəklər və hamını onlara qarşı qəsddə günahlandıracaqlar.

Florentinonun futbol düşüncəsi insanları aldadır. Yalnız varlılar üçün nəzərdə tutulan oliqarx futbolunu təmsil edir. Peres hər şeyə özü qərar vermək və pulu özü bölüşdürmək istəyir. Bəzi madridlilər Florentinonun etdiyi hər şeyi təsdiqləməkdə səhv edirlər. Madrid sakinlərinin öz müstəqil fikri olmalıdır. “Real” qalib gələndə sevinirəm. “Real”ın Çempionlar Liqasındakı qələbəsinə çox sevindim. Amma mən Madridistəm, Florensiyalı deyiləm”.

Aut.az