Öləndə narahat olmayacağam – Tayson

Ağır çəkidə sabiq dünya çempionu Tayson Fyuri həyatındakı əsas prioritetləri açıqlayıb.

Aut.az xəbər verir ki, boksçu etiraf etdi ki, peşəkar rinqdəki nailiyyətlərdən heç vaxt narahat olmayıb:

“Mən heç vaxt miras haqqında düşünməmişəm, bu məni maraqlandırmır. Öləndə arxada nəsə qoyub getməlisən. Bunlar sizin övladlarınız ola bilər, amma mütləq onların idmandakı uğurları deyil. Rekordlar qırılacaq. Bir nailiyyət əldə edən kimi başqa bir idmançı gəlir və yenisini yaradır.

Hər halda, öləndə bütün qeydləriniz, uğurlarınız və nailiyyətləriniz sizin üçün heç bir əhəmiyyət kəsb etməyəcək. Bu halda, mən planetimizdə baş verənlərdən qətiyyən narahat olmayacağam”, – Fyuri etiraf edib.

Aut.az