Dünyanın bir nömrəsi bəyanat yaydı: gizlədəcək heç nəyim yoxdur

Dünyanın bir nömrəli tennisçisi Yannik Sinner dopinq işi ilə bağlı WADA-nın apellyasiya şikayəti ilə bağlı açıqlama verib.

Aut.az xəbər verir ki, Sinner məhkəməyə getməyin nəticəsinin necə olacağını anlamadığını, lakin günahsızlığına dair bütün sübutları yenidən təqdim edəcəyini bildirib.

“Son iki ay ərzində və bu məhkəmə prosesində üç ayrı dinləmə keçirilib və hər bir iş üzrə mənim təqsirsiz olduğum təsdiqlənib. Aylarla davam edən ifadə və təhqiqat üç yüksək səviyyəli hakimin rəsmi dinləmələrdə hər bir detalı diqqətlə nəzərdən keçirməsi ilə yekunlaşdı.

Başa düşürəm ki, sevdiyimiz idmanın bütövlüyünü qorumaq üçün belə şeylər hərtərəfli araşdırılmalıdır. Ancaq başqa üç hakimdən eyni faktlara və sənədlərə yenidən baxmağı xahiş etsəniz, bunun necə olacağını bilmək çətindir. Bununla belə, gizlədəcək heç nəyim yoxdur və yayda etdiyim kimi, apellyasiya prosesi ilə tam əməkdaşlıq edəcəyəm və günahsız olduğumu bir daha sübut etmək üçün əlimdən gələni edəcəyəm. Hazırda iş CAS tərəfindən nəzərdən keçirildiyi üçün mən əlavə şərh verməyəcəyəm”, – “Ubitennis” Sinnerdən sitat gətirib.

Xatırladaq ki, Yannik Sinnerin 2024-cü ilin martında iki dəfə dopinq testi müsbət nəticə vermiş, lakin Beynəlxalq Tennis Dürüstlük Agentliyi (ITIA) tərəfindən təqsirli bilinməmişdi. WADA müraciətində italiyalının bir ildən iki ilədək müddətə diskvalifikasiya edilməsini istəyir.

Aut.az