Prezidenti və baş naziri milli komandaya belə təşəkkür etdilər

Gürcüstan prezidenti Salome Zurabişvili Avro-2024-dəki çıxışına görə ölkə yığmasına təşəkkür edib.

Aut.az xəbər verir ki, Villi Sanyolun komandası qrup mərhələsinin son oyununda Portuqaliyaya qalib gələrək, pley-off mərhələsinə adlamağı bacarsa da, ötən gün 1/8 finalda İspaniyaya 1:4 hesabı ilə ağır məğlub olub.

Dövlət başçısı sosial şəbəkədə yazıb: “Bəzən məğlubiyyət qələbədir! Uşaqlarımıza təşəkkür edirik!”

Gürcüstanın baş naziri İrakli Kobaxidze də komandanın tarixdəki debütü Avropa çempionatını tərk etməsinə münasibət bildirib. “Layiqli oyun üçün təşəkkür edirəm”, – deyə yazıb.

Aut.az