“Real” Arda ilə bağlı məlumat yaydı: Ən azı 2 ay…

“Real”ın yeni transferi Arda Gülər əməliyyat olunub.

Aut.az xəbər verir ki, türkiyəli futbolçunun ​​sağ dizindən əməliyyat uğurlu keçib. Bu barədə klub rəsmi məlumat yayıb.

Həkimlərin rəyinə görə, 18 yaşlı yarımmüdafiəçi ən azı 2 ay yaşıl meydanlardan kənar qalacaq.

İyulun 6-da “Real”la müqavilə imzalayan Arda 23 gün sonra Madrid təmsilçisinin məşqində zədələnib. O, bu səbəbdən klubun ABŞ-dakı təlim-məşq toplanışını vaxtından əvvəl başa vurub.

Qeyd edək ki, Madrid klubu Türkiyə millisinin üzvü ilə 2029-cu ilin iyununa qədər müqavilə imzalayıb.