Dünya seriyasının oyunları Şuşada keçiriləcək

Mayın 20-21-də Astarada qadınlar arasında 3×3 basketbol üzrə dünya qadın seriyasının oyunları keçiriləcək. Turnirdə 3×3 qadın milli komandamızla yanaşı, ikisi klub olmaqla, ümumilikdə, 12 komanda iştirak edəcək.

Aut.az xəbər verir ki, Astaradan sonra Şuşa və Bakı da mötəbər basketbol yarışlarına ev sahibliyi edəcək. Azərbaycan Basketbol Federasiyasının məlumatına görə, Astarada təşkil olunacaq turnirdə Azərbaycan, Almaniya, Çin, Polşa, Misir, Çexiya, Macarıstan, Rumıniya, Ukrayna və Avstriyanın yığma komandaları, Çinin “Yuanda” və yerli “Neftçi” klubları mübarizə aparacaq.

3×3 basketbol üzrə dünya qadın seriyasının oyunları Astara şəhər bulvarında keçiriləcək.