DÇ-2026-da “qara atlar” daha çox idi – Klinsmann

Almaniya, ABŞ və Cənubi Koreya milli komandalarının sabiq məşqçisi Yurgen Klinsmann ABŞ, Kanada və Meksikada keçirilən Dünya Kuboku ilə bağlı təəssüratlarını bölüşüb.

Aut.az xəbər verir ki, Klinsmann FİFA-nın saytında bildirib:

“Bu turnirdə bir çox gözəl sürprizlərin şahidi olduq, bunun əsas səbəbi 48 komandanın iştirak etməsi idi. Bu o demək idi ki, Dünya Kuboklarında adətən gördüyümüzdən daha çox “qara atlar” var və onlar parlaq şəkildə çıxış etdilər. Məsələn, Kabo-Verdeni götürək – onlar Argentinanı sona qədər həyəcanda saxladılar. Aydın idi ki, autsayderlər böyükləri ciddi şəkildə məyus edə bilərlər

Tamaşaçı marağına gəldikdə isə, turnir indiyə qədər fantastik keçib: hər stadion doludur, atmosfer inanılmazdır və azarkeşlər hər yerdə – ABŞ-ın hər şəhərində və ondan kənarda – bayram edirlər.

Bu miqyaslı yarış üçün böyük bir üstünlük odur ki, ev sahibi ölkələr bu qədər irəliləyə biliblər. Onların hamısının pley-off mərhələsinə vəsiqə qazanması böyük bir uğurdur. Turnir həm meydanda, həm də meydandan kənarda uğurlu keçdi. Və bütün hesablamalara görə, buraya gələn bütün xarici azarkeşlər gördüklərindən son dərəcə məmnun idilər”.

Aut.az