Həmişə buna qarşı olmuşam – Cokoviçdən bu dəyişikliyə etiraz

“Böyük Dəbilqə”nin 24 qat qalibi Novak Cokoviç “minlik”  turnirlərin müddətinin artırılması barədə danışıb.

Aut.az xəbər verir ki, BFMTV Cokoviçin sözlərini sitat gətirib:

“Mən “minlik” turnir islahatı ilə bağlı çoxlu müzakirələr görmüşəm ( ATP bəzi turnirləri 8-9 gündən 12 günə qədər genişləndirmək qərarına gəldi). Bu, böyük bir dəyişiklikdir. Mən həmişə buna qarşı olmuşam. Kommersiya baxımından bu, əlbəttə ki, dəyər qatır, bəs kim üçün? Əsasən turnir sahibləri üçün

“Minlik” turnirlərin sahibləri stadionlarını və bütün infrastrukturunu təkmilləşdirib. Lakin bu yeni stadionlar mükafat fondu və ATP ilə danışıqlarla ziddiyyət təşkil edən investisiyalardır. Onlar bu investisiyalarla ATP-yə haqq qazandırırlar. ATP, yaxud biz – ATP tərəfindən təşkil edilən oyunçular və turnirlər – stadion gəlirlərini yalnız iki həftədən az davam edən turnir zamanı alırıq. Bəs digər 50 həftə ərzində nə baş verir? Bütün bunlar stadion sahibinin cibinə gedir”.

Aut.az