Yaxın Şərqdəki vəziyyət Formula 1-in təqvimini dəyişəcək? – 3 variant var

Formula 1 Yaxın Şərqdəki vəziyyətlə əlaqədar olaraq cari mövsümün təqvimini dəyişdirmək üçün üç variantı nəzərdən keçirir.

Aut.az xəbər verir ki, İspaniyanın “Marca” nəşrinin məlumatına görə, Belçika Qran Prisi zamanı əsas görüş keçiriləcək və bundan sonra təşkilatçılar çempionatın gələcək cədvəli ilə bağlı qərar verəcəklər.

Hazırda prioritet seçim mövsümün son turunun Əbu-Dabidə keçirilməsini 20 dekabra təxirə salmaq olaraq qalır. Bu, əvvəllər ləğv edilmiş Bəhreyn Qran Prisinin təqvimə daxil edilməsinə və son üç turun Yaxın Şərqdə keçirilməsinə imkan verəcək.

Bu ssenari reallaşarsa, çempionat ardıcıl dörd yarış seriyası ilə başa çatacaq: Las-Veqasdan sonra komandalar Qətər, Bəhreyn və Əbu-Dabiyə səfər edəcəklər. Lakin bu plan birbaşa regiondakı vəziyyətin inkişafından asılıdır.

Nəşrin məlumatına görə, əlavə bir problem DHL, “Audi” və “Mercedes” ilə işləyən alman sığorta şirkətlərinin komandaların nəqliyyatını və müharibə zonasında fəaliyyətlərini sığortalamaq istəməməsidir.

Əgər Yaxın Şərq mərhələləri təqvimdən çıxarılarsa, Formula 1 iki alternativ ssenari hazırlayıb.

Birinci seçim ikinci Las Vegas Qran Prisinin keçirilməsini nəzərdə tutur. Nevada raundu FOM-un özü tərəfindən təşkil edildiyindən, bu seçim ən real əvəzedici hesab olunur.

İkinci ssenari çempionatın Avropaya qayıtmasını nəzərdə tutur. Mövsümün ikinci turuna ev sahibliyi edə biləcək Portimao (Portuqaliya) və Barselona (İspaniya) trasları ehtiyat məkanlar kimi nəzərdən keçirilir. Bu variant daha az ehtimal olunur, lakin istisna edilmir.

Aut.az