Bakıda “Çempionlar gecəsi”nin xüsusi qonağı əfsanəvi Holifild olacaq

İyulun 10-da Bakıda IBA “Çempionlar gecəsi” turniri keçiriləcək.

Aut.az xəbər verir ki, gecədə 2025-ci il Rusiya Çempionatı və Kubokunun qalibi, 2023-cü il 22 yaşadək boksçular arasında Avropa Çempionatının qalibi Çerav Aşalayev (2-0) səkkiz raundluq super orta çəki döyüşündə döyüşəcək. Turnirin mətbuat xidmətindən verilən məlumata görə, onun rəqibi belaruslu Mixail Dolqolevets (7-0, 7 nokaut) olacaq.

Bakıdakı şounun xüsusi qonağı iki çəki dərəcəsində keçmiş mütləq çempion, amerikalı Evander Holifild olacaq.

Aşalayevin son döyüşü yanvar ayında Moskvada keçirilən IBA.PRO 14 turnirində baş tutub və orada həmyerlisi Artış Lopsanı yekdil qərarla məğlub edib.

Aut.az