Stenli Kubokunun üçqat qalibi karyerasını bitirdi

Stenli Kubokunun üçqat qalibi Conatan Tous karyerasını başa vurub.

Aut.az xəbər verir ki, “Çikaqo” əfsanəsi, xəstəlik səbəbindən iki il sıradan çıxdıqdan sonra 2025-26 mövsümündə “Vinnipeq”də oynayıb.

38 yaşlı Tous, “Blekhous”da  15 mövsüm ərzində 1067 müntəzəm mövsüm oyununda 883 xal (372 qol, 511 məhsuldar ötürmə) toplayıb.

O, komandanın 2010, 2013 və 2015-ci illərdə Stenli Kubokunu qazandığı zaman kapitan olub. 2010-cu ildə pley-offun ən dəyərli oyunçusu kimi “Conn Smythe Trophy” mükafatını qazanıb.

Tous, həmçinin Kanada millisi ilə 2010 və 2014-cü illərdə Olimpiya qızıl medallarını qazanıb. O, Olimpiya, Dünya Çempionatı və Stenli Kubokunu qazanan oyunçuların daxil olduğu “Üçlü Qızıl Klub”un üzvüdür.

Aut.az