Əfsanə 20 ilə qədər həbs oluna bilər – Görün  nədə ittiham edilir

Boks üzrə keçmiş dünya çempionu Floyd Meyvezer Nevada ştatında iki ağır cinayətdə ittiham olunub.

Aut.az xəbər verir ki, bu barədə ESPN məhkəmə sənədlərinə istinadən məlumat yayıb.

Mənbənin məlumatına görə, 48 yaşlı amerikalı Las-Veqasda 200.000 dollar dəyərində saat almaq üçün saxta çekdən istifadə edərək oğurluq və fırıldaqçılıqda şübhəli bilinir.

Şikayətə görə, 31 dekabr 2024-cü ildə Meyvezer lüks pərakəndə satış şirkəti olan “Gold and Beyond”a 200.000 dollarlıq çek yazıb. Müstəntiqlər iddia edirlər ki, əməliyyat zamanı boksçunun hesabında məbləği ödəmək üçün kifayət qədər vəsait və ya kredit limiti olmayıb.

Sənədlər göstərir ki, Meyvezer çekin təqdim edildikdən sonra geri qaytarılacağını bilərək əmlakı alıb. Məhz bu əsasda o, 100.000 dollardan çox oğurluq və dələduzluqda ittiham olunur.

Hər iki ittiham üzrə məhkum edilərsə, keçmiş boksçu həbs cəzası ilə üzləşəcək. Nevada qanunvericiliyinə görə, fırıldaqçılıq bir ildən dörd ilə qədər, böyük oğurluq isə bir ildən iyirmi ilə qədər həbs cəzası ilə üzləşir.

Qeyd etmək lazımdır ki, Meyvezer tarixin ən varlı idmançılarından biri hesab olunur. “Forbes” jurnalının məlumatına görə, Floyd 915 milyon dollardan çox qazanıb və karyerasındakı ümumi qazancı 1 milyard dolları keçib.

Aut.az