O, dünya çempionatlarının tarixinə düşəcək: Messi və Ronaldodan əvvəl

Bu gün futbol üzrə dünya çempionatı start götürür.

Aut.az xəbər verir ki, turnirin açılış oyununda ev sahibi Meksika millisi Cənubi Afrika Respublikası ilə qarşılaşacaq.

Təşkilatçı ölkənin yığmasının qapıçısı Gilermo Oçoa üçün bu dünya çempionatı karyerasında altıncı mundial olacaq. Bununla da o, futbol tarixində altı dünya çempionatında iştirak edən ilk futbolçu kimi tarixə düşəcək.

Cari mundialda onun rekordunu daha iki futbolçu təkrarlayacaq. Söhbət Argentina millisinin kapitanı Lionel Messi və Portuqaliya yığmasının ulduzu Kriştiano Ronaldodan gedir.

Beləliklə, Oçoa, Messi və Ronaldo dünya çempionatları tarixində altı mundialda iştirak etmiş ilk futbolçular olacaq.

Aut.az