Ona dəstək oldu: Təslim olmayacaq

“Mercedes” komandasının rəhbəri Toto Volf Kanada Qran Prisindəki uğursuzluğundan sonra Corc Rasselə dəstəyini bildirib.

Aut.az xəbər verir ki, “FormulaPassion” Volfdan sitat gətirib:

“Son bir neçə yarışda işlər onun istədiyi kimi getmirdi. O, əsas yarışda mütləq çox xal toplaya bilərdi. Lider idi, amma bu meydançada dözümlülük və xarakter gücü baxımından bir nəfərin adını çəkməli olsaydım, bu, Corc olardı.

O, keçmişdə kartinqdən tutmuş gənclər üçün formula yarışlarına qədər çətinliklərin öhdəsindən gəlib. Təslim olmayacaq.

Səhv etmirəmsə, hələ 17 yarış qalıb, bu da o deməkdir ki, hələ çox xal qazanılmalıdır. Sadəcə, ertəsi gün oyanmalı, baş verənləri təhlil etməli, geridə qoymalı, irəliləməli və gələcəyə baxmalıdır. Bacardığı qədər yaxşı sürməyə davam etməlidir. Və məhz bunu edəcək”.

Aut.az