Mourinyo Peresdən tələb etdi: Vinisiusla danışıqları dayandırın

Hücumçu Vinisius Junior “Real Madrid”dən ayrıla bilər.

Aut.az xəbər verir ki, jurnalist İqnasio Sançezin sözlərinə görə, Madrid klubuna təyin olunmağa yaxın olan Joze Mourinyo braziliyalı ilə müqavilənin uzadılması danışıqlarını dayandırmaq istəyir.

Onun artıq Florentino Peresə çatdırılan ideyası, mövsüm ərzindəki performansından və münasibətindən asılı olaraq, müqavilənin uzadılması təklifini geri götürmək və 2027-ci ildə yenidən açmaqdır.

Təşəbbüs tamamilə braziliyalıya məxsus olacaq və o, azad agent kimi ayrılmasını müzakirə edə biləcək. Mourinyo Vinisiusun perfomansını qiymətləndirmədən ona gələcək transferləri məhdudlaşdıracaq astronomik maaş təklif etməyə ehtiyac olmadığını düşünür.

Bundan əlavə, o, futbolçunun azad agent kimi ayrılmasında heç bir dram görmür.

Aut.az