Ona qarşı yeni ittihamlar irəli sürüldü

Prokurorlar “Mayami Hit” komandasının keçmiş hücumçusu Terri Rozirə qarşı işi genişləndirmək, mövcud danışılmış oyunlar və çirkli pulların yuyulması ittihamlarına yeni rüşvət və fırıldaqçılıq ittihamları əlavə etmək niyyətindədirlər.

Aut.az xəbər verir ki, “Reuters” agentliyinin məlumatına görə, oyunçunun müdafiə komandası bu barədə 27 apreldə Bruklin federal məhkəməsində keçirilən məhkəmə iclasından iki saat əvvəl məlumatlandırılıb.

Mənbənin məlumatına görə, yeni ittihamlar Rozirin tanışlarının və mərc edənlərin maliyyə mənfəəti üçün konkret qanunsuz nəticə əldə etmək üçün danışıqlar quraraq “Şarlotta Hornets” və NBA-nı “dürüst xidmətlərdən” məhrum etməsi ilə bağlıdır. Böyük münsiflər heyəti yeni dəlilləri nəzərdən keçirdikdən sonra bu ittihamların irəli sürülüb-sürülməməsi ilə bağlı yekun qərarı verəcək.

Daha əvvəl, dekabr ayında 32 yaşlı basketbolçu ilkin ittihamlarda özünü günahkar bilməmişdi. Müstəntiqlərin sözlərinə görə, 2023-cü ilin mart ayında Hornets komandasında oynayarkən digər oyunçulara oyunu erkən tərk edəcəyi barədə xəbərdarlıq etmiş, bundan sonra isə onun fərdi statistikasına böyük mərclər qoymuşdular.

Aut.az