“Spartak”ın əfsanəsi Musayevdən əl çəkmir: uydurmuram, faktları deyirəm

“Spartak”ın və Rusiya millisinin keçmiş yarımmüdafiəçisi Aleksandr Mostovoy əvvəllər “futbol adamı deyil” adlandırdığı “Sabah”ın sabiq baş məşqçisi, hazırda “Krasnodar”ı çalışdıran Murad Musayev haqqında fikrini dəyişmək niyyətində deyil.

Aut.az xəbər verir ki, “Sovetski Sport” Mostovoyun sözlərini sitat gətirib:

“Krasnodar” ardıcıl ikinci dəfə çempion olsa belə, Murad Musayev haqqında fikrimi dəyişməyəcəyəm. Dəyişdiriləcək nə var? Niyə? Bunu mən düşünməmişəm. Məntiqli odur ki, o, özü günahkardır, çünki futbol oynamayıb. Mən bunu uydurmuram, faktları deyirəm.

Musayevdən “futbolçu olmayan insan” etiketini heç nə silməyə kömək edə bilməz. Nə edək ki, o, yalnız məşq meydançasında işləyib? Biz bütün həyatımızı yer eşərək, oynayaraq keçirmişik, o isə qapıları açıb və ya topları vurub.

Mən onun haqqında danışmaqda maraqlı deyiləm. Gəlin Deşam, Luis Enrike haqqında danışaq, amma onun haqqında yox.

Futbolda hər kəs “Krasnodar”da Musayevi əvəz edə bilərdi. İviç, yaxşı məşqçi var idi, amma işdən çıxarıldı. Hələ heç kim “Niyə” sualına cavab verməyib. Sergey Yuran “buğalar”ın baş məşqçisi kimi daha yaxşı iş görərdi”.

Ötən mövsüm Musayev “Krasnodar”ı ilk dəfə Rusiya Premyer Liqasının çempionu edib. Hazırkı RPL mövsümünün bitməsinə altı tur qalmış Musayevin komandası turnir cədvəlinə başçılıq edir.

Aut.az