“Liverpul” ulduzu ilə müqaviləni yenilədi

“Liverpul” klubu yarımmüdafiəçi Rayan Qravenberxlə müqavilənin uzadıldığını rəsmi şəkildə açıqlayıb.

Aut.az xəbər verir ki, 23 yaşlı niderlandlı futbolçu ilə yeni razılaşma uzunmüddətlidir. Tərəflər əməkdaşlığı 2032-ci ilin yayına qədər uzadıblar.

Futbolçu komandada qalmasından məmnun olduğunu bildirib:

“Klub və baş məşqçi tərəfindən dərhal etimad hiss etdim, buna görə də qərar vermək asan oldu. Ailəm də burada özünü rahat hiss edir”.

“Liverpul” Qravenberxi 2023-cü ilin sentyabrında “Bavariya”dan 40 milyon avro qarşılığında transfer edib. Cari mövsümdə yarımmüdafiəçi mersisaydlıların heyətində 36 oyunda iştirak edib, 4 qol vurub və 6 məhsuldar ötürmə verib.

Aut.az