Totti “Roma”ya qayıdır?

“Roma”nın keçmiş kapitanı Françesko Totti klubda direktor vəzifəsində mümkün qayıdışı ilə bağlı danışıqlar apardığını təsdiqləyib.

Aut.az xəbər verir ki, bir neçə həftə əvvəl “canavarlar”ın baş müşaviri Klaudio Ranyeri gözlənilmədən bildirmişdi ki, klub rəhbərliyi əfsanəni idarəetmədə vəzifəyə qaytarmaq imkanını nəzərdən keçirir.

“Mən həmişə klubun azarkeşi olmuşam. Mənim üçün “Roma” evimdir. Orada olmadığım vaxtlarda belə bu belə idi. Onların gördüyü işlərdən və hansı istiqamətdə irəlilədiklərindən məmnunam.

Son vaxtlar şayiələr yayılmışdı. Bu doğrudur, biz danışırıq, bəzi detalları müzakirə edirik və hamı üçün ən yaxşısının necə olacağını müəyyənləşdiririk. Ümid edirəm ki, bu vəziyyəti tezliklə həll edə biləcəyik. Gec-tez bu baş verəcək, hələlik isə danışıqlar aparırıq”, — deyə Totti “Sky Sport Italia”ya bildirib.

Aut.az