Olimpiadada qalmaqal: Baş məşqçi sərxoşluğa görə qovuldu

Finlandiyanın xizəklə tullanma üzrə baş məşqçisi İqor Medved spirtli içki qalmaqalına görə 2026-cı il Olimpiya Oyunlarından kənarlaşdırılıb.

Aut.az xəbər verir ki, bu barədə “Aftonbladet” məlumat yayıb.

Nəşr Finlandiya Olimpiya Komitəsinin elit idman növləri üzrə rəhbəri Yanne Hanninendən sitat gətirib:

“Finlandiyalı idmançılar Oyunların qalan hissəsində məşqçisiz qalacaqlar. Medved komanda dəyərlərini pozduğuna görə evə göndərilib.

Medved bu gün evə qayıtdı. Məsələ spirtli içki ilə bağlıdır. Biz qayda pozuntularına çox ciddi yanaşırıq və dərhal tədbir görəcəyik”.

Məşqçi özü hərəkətinə görə üzr istəyib.

“Aftonbladet” Medvedin sözlərini sitat gətirib: “Səhv etdim və buna görə dərin təəssüf hissi keçirirəm. Bütün Finlandiya komandasından, idmançılardan və azarkeşlərdən üzr istəyirəm. Komandaya sülh və əmin-amanlıq arzulayıram ki, onlar Olimpiadaya diqqət yetirə bilsinlər”.

Medved əvvəllər Sloveniya millisində çıxış edib və 2024-cü ilin yayından bəri Finlandiya xizək tullanma komandasının baş məşqçisidir.

Aut.az