Qadınların yarışında böyük yenilik olacaq

Avstraliya Açıq Turnirinin direktoru Kreyq Tiley qadınların tək yarışlarında beş setlik matçlar təqdim etmək istədiyini bildirib.

Aut.az xəbər verir ki, bu barədə “The New York Times” qəzeti məlumat verin.

Tiley inanır ki, Yelena Rıbakinanın bu ilki Avstraliya Açıq Çempionatının finalında Arina Sobolenko üzərində üç setlik qələbəsi qadınların daha böyük təzyiqə tab gətirə biləcəyini və tamaşaçıların daha uzun bir oyuna maraq göstərəcəyini nümayiş etdirdi.

“Qadınlar arasında final inanılmaz idi. Dörddəbir final, yarımfinal və final oyunlarını beş setdən ibarət formata çevirməyə dəyər.

Bu məsələ qaldırılmalı və oyunçularla müzakirə olunmalıdır, çünki son mərhələdəki bəzi matçlar beş setə qədər davam etsəydi, inanılmaz dərəcədə həyəcanlı olardı. Oyunçuların özləri bunu istəyərdilərmi, bilmirəm, amma bu, nəzərə almalı olduğumuz bir şeydir”.

Məlum olduğu kimi, böyük turnirlərdə matçlar yalnız kişilərin yarışlarında beş setlik formatda keçirilir.

Tiley qeyd edib ki, digər “Böyük Dəbilqə” turnirlərinin onun tətbiqinə razı olub-olmamasından asılı olmayaraq, bu yenilik Melburnda 2027-ci ilin əvvəlində tətbiq oluna bilər.

Aut.az