Aquero, Levandovski, Sneyder, Kaka: Krallar Dünya Kuboku başlayır

Jerar Pikenin Kral Liqası tərəfindən təşkil edilən Krallar Dünya Kuboku Braziliyada başlayır.

Aut.az xəbər verir ki, turnir 3-18 yanvar tarixlərində Braziliyanın San Paulo şəhərində keçirilir.

Yarışda 5 qrupa bölünmüş ümumilikdə 20 komanda iştirak edir.

A qrupu: Çili, Kolumbiya, Mərakeş, Niderland.

B qrupu: Argentina, Almaniya, Yaponiya, ABŞ.

C qrupu: Əlcəzair, Fransa, İtaliya, Polşa.

D qrupu: Braziliya, Peru, Qətər, İspaniya.

E qrupu: Hindistan, İndoneziya, Meksika, Səudiyyə Ərəbistanı.

Qruplarında birinci yeri tutan komandalar birbaşa dörddə bir finala vəsiqə qazanacaqlar. Hər qrupda ikinci yeri tutan komandalar və ən yaxşı üçüncü yeri tutan komanda dörddə bir finala vəsiqə qazanmaq üçün əlavə bir oyun oynayacaqlar.

Milli komandaların heyətinə bir çox dünya futbol ulduzları daxildir: Serxio Aquero (Argentina), Veston Makkenni (ABŞ), Ceyms Rodriges (Kolumbiya), Arturo Vidal (Çili), Adil Rami (Fransa), Uesli Sneyder (Niderland), Robert Levandovski (Polşa) və Kaka (Braziliya).

Bu, tarixdə ikinci Kral Dünya Kubokudur. Braziliya 2025-ci ildə İtaliyanın Turin şəhərində keçirilən çempionluğu qazanıb.

Aut.az