O da Ər-Riyaddadır – Bu oyunda qayıdır?

“Napoli” İtaliya Super Kuboku üçün Ər-Riyada gedib.

Aut.az xəbər verir ki, bu mövsüm bir oyun belə keçirməyən hücumçu Romelu Lukaku da Səudiyyə Ərəbistanının paytaxtına gəlib. Belçikalı futbolçu 14 avqustda “Olimpiakos”a qarşı mövsümöncəsi yoldaşlıq oyununda ciddi – cırılmış bud əzələsi zədəsi alıb. Hücumçu o vaxtdan bəri meydanda görünməyib və yalnız bazar ertəsi günü tam məşqlərə qayıdıb.

Əvvəllər Lukakunun turnirin heyətinə daxil edilə biləcəyi ilə bağlı bəzi söhbətlər olmuşdu və bu axşam o, həqiqətən də Ər-Riyadda təyyarədən düşən oyunçular arasında görülüb.

“Napoli” cümə axşamı İtaliya Super Kubokunun yarımfinalında “Milan”la qarşılaşacaq. “Bolonya” və “İnter” isə cümə günü ikinci yarımfinalda üz-üzə gələcəklər.  Bu matçların qalibləri 22 dekabrda  kubok uğrunda mübarizə aparacaqlar.

Aut.az