“Bayern”in əfsanəsi bu idman növü ilə məşğul olur – VİDEO

“Çelsi”, “Real Madrid” və “Bavariya”nın keçmiş futbolçu  Aryen Robben 2021-ci ildə “Qroningen”də karyerasını bitirdi və altı ay sonra məşqçilik karyerasına başlayıb. Hələlik o, özünü daha yüksək səviyyədə sınamadan yalnız gənclər komandaları ilə işləyir.

Aut.az xəbər verir ki, 41 yaşlı niderlandlı bu yaxınlarda yeni bir ehtiras kəşf edib: padel. Son bir neçə ildə bu idman növünün populyarlığı sürətlə artıb.  Çəmən Tennis Assosiasiyası onu 25 milyon oyunçu ilə “dünyada ən sürətlə inkişaf edən idman növü” kimi tanıdı.

Həmin oyunçulardan biri də Aryen Robbendir. Padelə olan ehtirası onun “Bayern”də oynadığı dövrdə başlayıb. “Almaniyada olanda həftədə üç dəfə oynayırdım”, – Robben deyib.

O, oyununu təkmilləşdirdi və hətta yayın sonunda ilk peşəkar reytinq xallarını qazandı. Robben və tərəfdaşı Verner Lootsma FIP Bronze Westerbork turnirinin əsas püşkatmasına çatdılar, lakin 1/8 finalda mübarizədən kənarlaşdırıldılar.

Robben məğlubiyyətdən sonra “Özümü çox ciddi qəbul edə bilməyəcəyimi düşünmürəm” dryib.

“Aşağı gözləntilərlə başladım. Amma kortda mübarizə aparmağa və mümkün qədər çox xal toplamağa çalışdım. Bu barədə bir neçə dəfə həyat yoldaşımla danışmışam. Zlatan İbrahimoviç padeli İsveçdə əsas idman növünə çevirib. Düşünürəm ki, Niderlandda da eyni şeyi edə bilərəm”, – Robben bildirib.

Aut.az