Runi sabiq komanda yoldaşları haqda: Lider, təxribatçı…

“The Overlap” komandası Ueyn Runidən karyerasını yenidən nəzərdən keçirməsini xahiş edib.

Aut.az xəbər verir ki, əfsanə hər kateqoriya üçün meydançanı paylaşdığı bir oyunçu seçməli idi. Ueyn bu şərti qəbul edib.

Ən yaxşı komanda yoldaşı: “Mən çoxlu böyük oyunçularla oynamışam, amma Ronaldo və Pol Skoulzu ayırd etməliyəm. Bununla belə, Skoulzla gedəcəm”.

Ən aşağı qiymətləndirilən komanda yoldaşı: “Yəqin ki, Pak Ci-Sun. Onun komanda üçün etdiyi hər şey inanılmaz idi”.

Digərlərindən daha çox məşq edən: “Giqqz və Nevill. Giqqzın bu qədər uzun müddət oynamasının bir səbəbi var, əsl peşəkar idi”.

Ən gülməli komanda yoldaşı: “Patrik Evra”.

Ən yaxşı lider: “Bir neçəsini deyə bilərəm. Stiven Cerrard millidə əla kapitan idi, Rio Ferdinand yaxşı idi və mən yəqin ki, Qari Nevillə gedərdim”.

Məğlub olmağı bacarmayan: “Mən! Mən uduzmağa nifrət edirdim. Deyəsən, hamımız məğlubiyyətə nifrət edirdik, amma xüsusilə məşqçilərin xoşuna gəlmirdi.”

Baş təxribatçı: “Darren Fletçer”.

Tez-tez gecikən: “Bir neçə nəfər var idi. Pol Poqba, Lyuk Şou. Amma onlar cəmi bir neçə dəqiqə gecikirdilər”.

Musiqi zövqü ən pis olan: “Yəqin ki, İspaniyadan olan uşaqlar. Onların ifa etdiyi musiqini heç bəyənmədim. Məsələn, De Xea”.

Ən məqsədyönlü: “Belələri də çoxdur. Mən, Rio”.

Baş əyləncəsevər: “Maykl Karrik”.

Finalda yanınızda görmək istədiyiniz futbolçu: “Kriştiano Ronaldo”.

Aut.az